白川鄉合掌村既茅屋就係人都識,原來京都附近都有,就係「美山町」,佢與白川鄉並列為「日本三大茅屋之一」,每年冬天都會點燈,夏天都會灑水,櫻花、紅葉又係靚到不得了。個人覺得「美山町」唔夠白川鄉咁壯觀,但係離京都約二小時車程左右,可以一去,去完返京都又可以再食買玩,不過交通方面唔係好密,自駕較方便,呢篇會教埋大家點坐車。

〒601-0712 京都府南丹市美山町北

官網:http://www.kayabukinosato.com/
交通方式:

JR「京都」駅坐JR嵯峨野線→「圓部」駅過對面線→「日吉」駅,轉南丹市營巴士於「北(かやぶきの里))」駅下車

美山町地圖


由京都坐JR至日吉駅約1小時

日吉駅落車後一出駅已經係巴士駅,如果跟時間表坐JR,基本上係車駁車直接上到市營巴士。

「北(かやぶきの里)」駅落車就係美山町合掌村

入口就見到全村惟一郵筒



美山町茅屋同白川鄉不同,美山町係四邊斜,而白川鄉只有兩邊斜。

部份茅屋需要籌錢修葺。



村內有民宿同Cafe,不過今次去到Cafe休息。


上少少係「鐮倉神社」,可以影到成條村。

全條村其他好細,無耐性既人半小時行完。

村對面有三間食肆同有買手信既地方。

今次入住呢間食蕎麥麵。

麵質同出面有啲唔同,幾好食,可以一試。

因為麵係用美山麵粉製造,所以買左盒返去。


因為南丹巴士官網經常改連結,所以用左河鹿莊既「時間表」易睇同易搵啲,每隔一段時間行車時間表都會唔同,可以上河鹿莊(http://miyama-kajika.com/access/)或 南丹市營巴士官網 搵返 (http://www.city.nantan.kyoto.jp/www/)

節錄左部份時間:


出發要留意埋回程時間,有部份班次唔係日日有,如今次早上8:58由京都出發到達美山約11:00,但回程要三點先有車,由於唔係櫻花紅葉期無咁多野睇,留4小時感覺有啲長,參觀+食午餐+買手信大概2.5小時內完成,所以都仲要等多個幾鐘先有車。



如果自駕就可以去埋道の駅美山廣場,多D野做,或住埋河鹿莊一泊二食,櫻花、紅葉期可以去大野水壩公園(大野ダム公園),有成1,000棵櫻花樹(詳情:https://kyotomiyama.jp/sightseeing/)。每個月份都有唔同活動,如單車賽、八幡神社例祭、灑水等(詳情:https://kyotomiyama.jp/event/)。

KKday同Klook都有美山一日遊,行程比較豐富,有興趣可以睇下。
【京都郊區巴士一日遊】天橋立・伊根舟屋・美山茅屋之里
https://www.kkday.com/zh-hk/product/13942

海之京都一日遊(天橋立 & 伊根舟屋 & 美山茅屋之里)
https://www.klook.com/zh-TW/activity/6128-kyoto-seaside-day-tour-osaka/


 日本三大茅屋之一【京都小合掌村 – 美山町】,冬天都有點燈!

 https://www.facebook.com/readydepart