識我的朋友一定知我是爆蛋王, 扭蛋簡直重要過返工啦!! 當我知道GODIVA竟然有得扭蛋...…眼痛都要去扭呀!!

當你見過GODIVA今次的金屬扭蛋, 玩了30年的Bandai, Yujin簡直「行埋一邊」.

靚仔Oscar:「甜筒係可以做吊咀,頭先啲女士們個個都爭住要...…」(咁鬼靚, 我第一眼見到都想撲埋嚟搶啦。)

嚴格來說, 今次的扭蛋是$30抽一次, 絶對抵過去便利店門口扭塑膠扭蛋...…

不過,大前提要先在GODIVA店內消費滿HK200元(必須包括朱古力及夏季雪糕)。

我剛剛掃了幾盒朱古力, 冒著給家中武則天大罵的危機...…留給阿囝慢慢食...…

因為,我最最最主要目的就是要扭蛋...…哈哈!!三次機會,我分別抽了兩個新杯裝Duette及一個港女最愛甜筒。

靚仔Oscar:「你抽4次就可以換埋90周年限量匙扣禮盒喎...…」我:「算啦...…我驚過唔到屋企海關呀!!下次先抽啦。」

P.S.: 那杯Duette好食到黐線……暖暖的草莓心太軟, 上面有黑白兩溝朱古力雪糕, 由上而下一羹咬入口...…

冰火交熔,好食到想叫救命...…星期日帶SY來再食過先得。

究竟我要再抽幾多次,先可以儲齊一套呢? 抽到窮的我,看來要引誘武則天過來抽埋其餘兩款喎!

回家第一時間上繳杯緣子海關...…阿太說:「真係幾靚喎,一套有幾多隻架?」

我答:「差兩隻...…抽唔到囉…...可唔可以借我同Bearbrick影張相先呀! (阿太:影完畀返我吖,好難抽嘅咩? 下次我去試下,實抽到)...…」

成功在望喎…...嘻嘻嘻嘻。

GODIVA「扭轉仲夏驚喜」

由即日起至6月30日, 到GODIVA全線分店消費滿$200 (當中要包括夏日系列雪糕)+$30就可以扭蛋一次!

大仁生活


 【GODIVA超絶扭蛋】神級金屬限定~必入!「扭轉仲夏驚喜」

 https://www.facebook.com/hayakutang