品記都食左好多年,由當年崇潔街細舖食到變庇利街大舖,而家再上埋樓變巨舖。

呢度一直主打川菜類,雞煲烤魚加邊爐一直都係主力,而家大間左就再多左豬骨煲同大熱既酸菜魚。

邊爐配菜都有一堆。

另外重有唔少涼菜、小食同麻辣小炒。

涼菜先到,夫妻肺片份量唔少,食落夠麻又夠辣。

炸芝士牛肉丸咬落有溶左既芝士汁流出。

雞煲叫左少辣,一隻雞既雞件都幾多。煮香後既雞件吸收左配菜、麻籽同辣椒味道後,食落非常惹味。

炸响鈴即炸上檯夠熱夠脆,可以沾醬即食或放湯。

手切牛肉幾靚,入口肉味夠濃。

鵝腸都係好貨色,有肥膏兼咬落爽脆。魚鰾睇落新鮮,食落都冇魚腥味。

鴨血同冰豆腐比較普通,不過食雞煲兼打邊爐就梗係要叫到成檯野先開心麻。

 人生要定時定候有野刺激下先好玩,食野都一樣要間唔中刺激下,食下辣野過下癮先有意思。

 

品記鮮粉人家私房菜館

地址:土瓜灣浙江街18號利·港灣18 1樓

Tel : 6677 8816


 間唔中刺激下 : 品記鮮粉人家私房菜館

 https://www.facebook.com/blackholemini