達明接受903 訪問,指原來海報「被消失」是唱片公司主意,全因海報中八十人之中有人表示擔心他在海報上出現會影響大陸的工作。黃耀明不願透露是誰人,但直言「既然佢咁驚,公司老闆都覺得唔好阻人哋發達,唔好阻到人工作,決定下架。」

本站不作任何猜測,但海報中娛樂圈的人物不多,其中可見黃偉文、何韻詩、陳奕迅、周星馳、林日曦、周杰倫、My Little Airport、鄭秀文、劉徳華、霍汶希、張學友⋯⋯估計該人士與唱片公司有緊密合作,大家自行猜謎。

-----

香港01 節錄:

達明一派今日剛好到商台宣傳,接受DJ訪問時,明哥亦有回應事件,他澄清其實今次的事與政治無直接關係,反而是在海報中出現的其中一個人感到懼怕:「大家一定想問Juicy嘢,會好好奇係邊個想下架,但我都唔想講係邊個,因為嗰個人真係好驚,對方話有好多工作喺內地,驚個海報影響佢,其實海報入面有成80個人,入面個個都人唔似人,達明唔似達明,都混合咗,但既然佢咁驚,公司老闆都覺得唔好阻人哋發達,唔好阻到人工作,決定下架。」

明哥又講到其實沒有直接與對方聯絡,但這種事最怕是麻煩到中間人:「但我覺得依種事係要講出嚟,如果唔係好多嘢都會被無聲消失。」問到當初可有想過會有人如此擔心?明哥表示拍攝的時候也有想過,所以是向別人買相片的版權,卻忽略大家可能會覺得反感。明哥直言:「可能裡面有更多人更驚,例如特首候選人,更中央嘅人都有,喺好後排出現咗,但原來有人驚過佢哋。」


 【向強國跪低】達明海報被下架 全因海報中人擔心大陸工作受影響!

 https://www.facebook.com/3cmusic?fref=ts