中國風水文化博大精深,流傳千年,一定有佢嘅道理同合理性。

但現時年輕人嘅裝修設計上往往就會將呢啲禁忌忽略,但其實無形當中我地會受咗呢啲禁忌影響。所以,係佈置家居嘅時候應該了解清楚呢方面嘅知識,結合風水學作出適當嘅調整同擺設。

以下裝修佬同大家分享開門唔可見嘅物品PART 2。  


開門見鏡對女主人唔好 

有啲朋友鐘意係開門正對位置掛鏡,方便出入整理儀容。其實咁做係相當唔好,會容易引起女性頭暈、頭痛、失眠等現象。 

裝修佬提示 

建議平時唔用嘅時候,將鏡收埋或用布遮住。 

 

開門見廁所門好事多磨 

開門見廁所門呢個情況,係大戶型嘅家居風水裡經常會遇到,咁表示工作上好事多磨,多阻滯,而且工作事業上容易有小人是非。身體上來將,容易有腸胃問題或婦科病。 

裝修佬提示 

可係廁所門前掛一條簾,或者係廁所門上貼一幅山水畫,同時係馬桶上方掛桃木鎮一個,可以減輕或緩解開門見廁嘅問題。   

 

開門見雪櫃做事吃力 

為整理出更多實用空間,雪櫃一般會放係角落位置。如果開門見雪櫃,平時做野、感情、財運都頗費周折,好多事要加倍努力或付出先會有所成功。要比其他人付出更多努力同世界,先可以解決或圓滿。 

裝修佬提示 

可以係雪櫃頂放一盆綠色植物,同時可擺紫晶球增加人緣運。 開門見大屏風會影響財運 開門見屏風或玄關嘅情況來講比較普遍。現時好多裝修格局,大門同露台相對,所以,好多朋友鐘意係開門位置加屏風或玄關。關於呢個問題,如果大門朝西南、朝南、朝西北,原則上開門位置唔可以加過大屏風或玄關,否則,會影響財運,及工作上嘅一啲晉升機遇。 

裝修佬提示 

遇到以上情況,最好將屏風擰掉。如果已經固定,就要係屏風前面即大門附近加一個魚缸或放風水輪一個,用水去減少旺氣阻隔帶來嘅影響,並收招財之效。原則上,無論任何方位都唔太主張屋企門口擺放屏風或玄關,通常都弊大於利。

 

(以上圖片均來自網路,如有任何版權問題,請與本站聯絡)


 裝修風水學:開門唔可見嘅物品(二) (巨龍)

 https://www.facebook.com/hkdecoman