【榴槤打孖上】蛋卷又得，曲奇都得，原來咖啡味仲得！

昨日經過附近一個裝修中的舖位...…

我想:「咁嘅格局， 唔係又開藥房呀？」...…誰知今日就已經揭盅，嘩！我的最愛「蛋卷」是也。

一入店內， SY很大反應說:「榴槤嚟架...…唔怪之得咁臭啦」， Maggie答:「我哋係馬來西亞設廠，每日新鮮運過嚟賣架，你要唔要試下？」

SY當然拼命搖頭，而貪心的大叔當然不錯過機會，食食食:「任人試食又幾好喎...…不過啲榴槤味唔太濃， 連唔食榴槤嘅我都食得到喎。」

(怕唔怕榴槤控會嫌味道唔夠勁？) Maggie答:「唔會喎，始終蛋糕唔會有餡，而且我哋擺美食展，好多客都話好夠味喎。」

不吃榴槤的小朋友，試過原味、咖啡，非常開心...…但當他一食辣辣咸咸的咖哩蛋卷，不夠5秒，就按捺不住，即吐並大叫:「好辣！！」(貪心的後果囉！！)

原味，真的有點普通，可能榴槤帶淡淡果王味，咖啡又似嘆 Mocha，確實不錯。
(Sorry！我還是食唔慣咸辣蛋糕...…咖哩則麻麻)

試完蛋卷，SY又試「蛋白曲奇」，當他一放入口竟然說:「爸爸！好得意呀...…個曲奇會即刻溶咗喎。」

原來，這款曲奇極似蛋白糖，但就變奏成不太甜的曲奇，所以就造到「入口即溶」效果。

SY:「士多啤梨味最好食， (我:但你都未試榴槤味，你點知士多啤梨最好呢？)， 哦！ 唔駛啦...…榴槤留返畀你同媽媽啦。唔好預我，唔該。」

佳記
地址：太子運動場道6-6A榮森大廈A1鋪

大仁生活