朗豪坊變身貓貓的家...…本來,對於沒有Mascot的展覽,興趣不大。

不過,家中老闆大叫:「嘩!咁多喵喵...…爸爸帶我去,帶我。」

我對SY說:「你知道邊個係忌廉哥咩? (SY:唔知)」,我續說:「個場無真貓喎,全部都係假貓嚟架」, SY不耐煩答:「總知我好想去, 假貓都去。」

毛毛控的SY,一走到商場大堂,即被超巨型毛毛腦吸引,飛躍與貓擊掌...…誰知整個人也跣了在地。 (你為咗隻貓,真係跣得幾盡吓喎。)

大貓身後有一個小浴場,4隻喵喵正準備沖涼...…SY:「我就係鍾意黃色依種貓貓呀!」

其實,小朋友何時起喜歡上貓,我不知道;他說喜歡的,像是從前「俏皮扮嘢貓What's Michael」吧!! (阿囝..….乜你都有睇過依套卡通咩?)

貓貓也要玩懷舊,所以就有一間80年代格局的喵記士多。

都說老鼠是貓的好朋友,一隻可愛灰鼠就在玻璃櫃內...…等忌廉哥來捉。

正當SY在研究貓貓是不是會被人製成午餐肉之際,我還罵他:「你太殘忍啦」,原來,真的有人食貓?

SY:「爸爸!你唔好講笑啦」但正正就在紅色餐牌上印有「港式熱貓」…...(熱狗個Friend)

SY:「假架...…個牌係假架,無人會食貓架,貓咁可愛。」

士多後有一隻1:1羊毛氈手製「忌廉哥」,今次不用SY說,我搶閘說:「真係好得意呀~」,SY:「爸爸! 我都未講, 你做乜講咗我會講嘅說話?」

原來由今日開始直至4/9,商場舉辦了一個活動,集齊1,000罐貓罐頭,商場就會轉捐有需要流浪貓,絶對係有意義的活動。

與此同時, 商場亦設有兩款免費喵遊戲給大家玩:

免費必玩1:

就在「貓湯」浴場後,你可以6款貓貓遊戲中選擇一款,之後就可以拍攝一段4秒短片。

拍攝後,只要即時在螢光幕中掃瞄QR Code,短片即時下載到你手機。

免費必玩2:

一屋AR喵喵通屋走~5隻AR貓仔,正正會圍著沙化,虛擬地走來走去。

SY一見最愛的黃色貓彈出來,即時大叫:「我要攬實佢, 佢真係好可愛...…嘩~!原來有兩隻架~ Yeah~Yeah~」

喵民遊樂園‎HappyMEOWment‬ (全場有20隻喵喵...…睇下你搵唔搵得齊??)
日期: 即日 - 9月4日
地點: 旺角朗豪坊4樓通天廣場
時間 : 11am-11pm

大仁生活


 【20隻喵喵的家】忌廉哥陪你免費玩AR Game

 https://www.facebook.com/hayakutang