有網友就問我,今屆九月立會選舉,政黨可以點打網戰?無可否認,而大家都知道既係,建制派係網路,越黎越識打:有分工,有爛gag,持廣傳能力之高,泛民無可比擬。而最近呢,就有媒體報道,某港島區候選人,選用左台北市長柯文哲選舉既時候都有用既搜尋軟件 Qsearch黎助選。 

用兩年前既經驗打2016既選戰,有冇用呢? 

身為而家香港面書專頁穿透力第二既面書專頁管理人,我當然知道Qsearch既對付方法係咩。 

首先,Qsearch的特點是文字內容。佢地search既只係文字部份。如果做圖,或者係隱喻,廣傳左,你都唔知。而係之前既區議會選舉,我都做過類似既實驗。有用過Qsearch既朋友話我知,我可以令到某泛民政黨既區議員係一個紅區跑出,當中原因,係因為佢係網路上面知名度高。所以,如果要係面書度,幫人助選,首先就要「清晰打左果個人個名」,Qsearch就會知道我講緊佢。 

第二,如果你沈迷Qsearch既數字,就會死得人多。點解呢?柯文哲選既時候,面書係未出呃嬲嬲(angry)呢個function既,所以當時佢可以搵到 Like  comment 數加以對拆。但而家由於面書多左唔同既情緒反應,嬲嬲都可以令佢 reaction好高。咁既話,對症下藥,要搵KOL幫果個政客說項既可能性,難度亦會增加。 

第三、最大既盲點,係Qsearch只限面書。而Instagram Twitter Vechta WhatsApp Line Telegram 全部都冇。係面書贏,會唔會真係嬴到選戰呢?呢一點,我估大家都好有疑問。咁點解會有傳媒報道某參選人用左Qsearch 打選戰好叻叻呢?冇既,咁人地俾咁多錢去俾人做選舉公關,咁點都要話搵人同佢唱好,話搵佢做選舉公關好掂啦。出年三月,特首選戰就黎啦,咁都要搵人做選舉公關架嘛,係咪? 

resume 既野,你識條春咩。



 https://www.facebook.com/kengopage