大圍多了一個新地標,大大支粟米坐鎮新店二樓,看圖識字,新食肆當然就是賣粟米。

由三兄妹合營的粟米屋,有莫名的熟悉感,但一下子又說不出為何...…

SY:「真係有好大條粟米係上面喎...…爸爸!依度好香!」

還未走入店內,黃先生已經親切的推介:「歡迎呀!我哋啲粟米真係親自整架,唔係交貨返嚟,所以一定新鮮。」(仲真係好香添呀!)

小店只開了三星期,廚房與樓面由一個外賣快餐的裝修所分隔,負責人說:「想響應財爺,但又無錢,所以就裝修扮住先囉。」

店裡有7款粟米杯,我揀了煙肉薯蓉併紫薯粟米,($25+$5) 靚到不得了,紫薯上還輕輕舖上香草。

SY:「紫薯同薯蓉好似食緊雪糕咁」,我:「係呀!嗰樣好似,不過依杯係暖笠笠嘅。」

SY:「薯蓉好好食,真係好食過麥當勞啲粟米好多。」

當然,新鮮、艷黃色的粟米,又怎可以用機器、廠製的大陸貨相提並論。

今日的粟米杯似粒粒都有生命的叫:「食我啦!食我啦!」

另一款黑松露粟米杯 ($30),加入了更多的牛油及蜜糖,伴隨黑松露,香味更加肥美。

雖然,賣相沒有紫薯的爆炸,但味道更出、更搶,更食到停不到口。

之後,阿太:「不如要多一隻熱狗畀SY,我想要啲魚肉燒賣」,這裡燒賣竟然有魚肉、牛肉,及豬肉,相對旺角街邊小食店有誠意得多。

脆皮腸熱狗($12),你可能會說:「車!都唔係最平,宜家傢俬$7都有啦」。不過,這裡的腸皮夠脆之餘,麵包更塗滿牛油及蒜蓉,好食到停唔到口啦。

我問黃小姐:「點解你哋無端端幾兄妹會開間賣粟米小店呢?」

黃小姐:「因為我媽媽係紅磡廣場賣粟米,賣燒賣、腸粉好多年,我哋想將佢嘅理想再介紹畀多啲人識。」

(哦!原來紅磡係你媽媽開架?我以前買相機成日食架,難怪我一入嚟就好似好有親切感啦!!)

黃小姐:「媽媽賣嘅粟米就係自已整,醬油都係,所以我哋就一樣, 就連薯蓉、紫薯都係我哋自家製架,希望做好啲,唔好丟媽媽架啦。」

青出於藍不在話下,而且粟米屋好有小島風情。一走入店內,就似足離島渡假一樣,我有少少不捨得踏出門口,因為我不想回到現實。

 

粟米屋
地址:大圍大圍村第八街4號
營業時間:星期一至日:12:00-21:00

黃媽媽的總店:馬頭圍道37-39號紅磡廣場23C號舖

大仁生活


 【大圍新地標】小店賣媽媽味道—「粟米杯」

 https://www.facebook.com/hayakutang