【CHOPPER WORLD嚟啦】10個變身的索柏！@ 7-Eleven

上一季，(即係過去2個月)，7-Eleven換港女煲， 難得可以休息，與印花隔絶...…真爽！！(不過，阿太就好努力係咁換換換。)

今季， 重回我熟悉的One Piece啦！！ Yeah！！ 終於可以關我事...真好. SY:「爸爸！ 上次索柏好似出過喇喎？」

我答:「唔同啦...…上次十個主角，今次十個都係索柏。 (SY:「係喎！真係個個都係佢，點解嘅？)，因為佢扮5個朋友，再加自己，同4個特別版囉。」

SY:「點解橙色衫依個有媽媽個怪叔叔嘅？」我:「依個特別版最正，佢扮7-11店員呀！ 我見媽媽有個路飛怪叔叔，借嚟影下相啫，無特別，唔駛同佢匯報都得嘅。」

其實，嚴格來說，是9隻索柏，另一隻是路飛扮索柏，SY:「咦…...你又攞媽媽個怪龍珠，同怪美少女呀？」(橫掂借開， 順便借埋囉！！ 嘻嘻)

SY:「咁不如借埋媽媽間Re-ment屋，十兄弟一齊返屋企囉， 爸爸」(好呀！ 愛‧回家吖嘛，你媽媽嗰間屋都係攞係度封塵啫，玩吓囉。)

打蛇隨棍上的我， 將兩隻索柏放入前日買回來的布甸狗甜品杯， 向囝說:「你睇！ 索柏扮布甸狗呀！」

SY:「爸爸！唔好夾梗塞啲索柏入去我個布甸杯度啦，索柏係貓，又唔係狗。」(其實...…索柏係鹿嚟呀！)

7-Eleven 35週年 X《One Piece 海賊王》

「CHOPPER WORLD馴鹿海賊團」6月29日連8星期， 換印花啦！！

大仁生活