【韓「J」雪糕．重現！】挑戰泡菜味...伏中尋美食

唉！！ 維園一連6日有美食節， 今日走到足球場， SY:「點解縮埋一邊嘅？ 年宵呢...…嗰陣好多人架」(好似伏伏地咁嘅)

今次活動只有半個足球場，原來9成都是梅州、福建、廣東、廣西...…OMG！！ (望到啲Logo...我有少少想走)

此時， 不停搓肚的SY:「我好肚餓呀！爸爸...」， 當時正正就在順德的攤檔， 於是蝦蛟便蝦蛟，燒賣就買燒賣啦。

順德檔位有兩樣食物，分別是炸鯪魚球($20)、均安蒸豬($30/細)...…

前者賣相還可以，後者就似蒸肥燒肉，我愛吃脆卜卜較瘦的燒肉，可惜順德的蒸肉肥膏太多，調味又重手，真可幸我是香港人。

今日我終於發現阿太的優點，因為她說:「啲蒸肉鹹鹹地，爽爽地，都幾有咬口，係就係鹹咗啲。」

無得頂！就整碗交了給她，我和SY還是吃正正常常的鯪魚球好了。

其實， 除了中國食物， 究竟今日還有沒有其他選擇呢？？ 正當我有點失落之際， 曙光出現了， 轉角正正傳來印尼串燒的肉香...嘩！！

阿太:「早知叫埋阿爸， 阿媽過嚟啦， 佢哋最鍾意食依啲串燒。」

我問老闆娘有何推介， 她答:「樣樣都正，不過羊就一早賣晒，羊架啦，剩返少少，$18真係超值呀！」

結果，我們除了羊架，還買了雞翼($12)、雞串($12). 我覺得最正便是雞肉串，因為係即燒，而羊架及雞翼則放涼了。

SY:「啲味好怪...我唔鍾意食」， 阿太:「印尼係用依隻味架， 婆婆最鍾意食…...(SY:我想食雪糕多D)」

於是食完鹹， 我們便排隊買韓式雪糕. 這個「J」型粟米筒雪糕 ($25單味/$30兩味)， 應該是去年暑假，曾一度於天后大熱喎。

我問店主:「你哋天后間舖休息呀？」， 大隻店主答:「加租無做啦」， 我又問:「泡菜味雪糕好似無人買，人人都係買芒果？」

店主笑笑口:「勇於挑戰自己嘅人就會試」，今日挑戰自我的人叫阿太...…詳情可以看短片…...(早知唔加$5蚊兩溝啦)

最後臨走前，找到台灣九份的零食檔，4吋長牛奶糖，買十送一，試食完的SY不停大讚，於是又買了十一款味道。

買台灣食品...…怎樣也比較國產東西來得有信心.

今日SY絶對食糕食過夠，先有J型雪，之後印尼的椰汁糕，臨離場又發現砵仔糕再戰...…

我問:「你今日好開心啦，食咁多嘢」， 誰知他竟然答:「唔係幾開心咋，因為好熱，點解依度咁熱， 如果商場有冷氣就開心。」

奄尖大少， 果然名不虛傳。

地點: 銅鑼灣維多利亞公園
費用: 免費入
2016年4月16日 4:30pm-9pm，
2016年4月17日 - 20日 10am-9pm，
2016年4月21日 10am-7pm

大仁生活