【日本餃餃餃】18CM蝦蟹超長餃 Vs 朱古力都可以煎餃？

一聽到今晚去食餃子，我家餃子王十分高興回應:「食美味叔叔， 定係八方雲集呀？」

我答:「我哋今晚食新嘢， 日本餃子」 SY已經開心到見牙不見眼。

日本共有37間分店， 招牌一口餃子的「餃餃　餃子」， 晚上7時半，大約需等候15分鐘。

店舖有兩層，但今晚二樓並未開放，小小的開放式廚房，有4位師傅在忙於煎餃。其實廚師會否多了一點呢？

第一時間，搶先點了最有氣勢的18CM蟹肉大蝦餃子棒($38)。

連不吃蝦蟹的我，偷試了一口之後，竟然也全無抗拒之餘，還隱隱感到有一點久違了的鮮甜。(但怕身痕， 都係要忍口)

SY:「嘩！點解依度啲皮咁薄嘅？ 真係同八方雲集好唔同喎。」

其實， 今晚坐旁邊的小情侶亦說了相同說話:「真係好食過八方雲集好多。」

今次絶對認同，日本永遠最好，(雖然今個月變節追宋仲基...)，但這裡的肉味夠鮮，還是食了十年八方雲集但悶呢？

而且，我覺得相連餃子底的薄薄脆脆麵衣，慢慢逐少逐少挑來食，更過癮。

薯仔明太子也是一絶，SY:「一粒粒嗰啲好得意，不過我都係鍾意就咁食薯蓉多啲。」

吃罷煎餃就試一試蒸餃，三色餃三款味，綠色的水餃最搶眼，但最吊味的是蘑菇餃。

大家看到蘑菇餃上的杯緣子嗎？ 我們吃完後便與她失去聯絡，如果大家有見過她的話，請通知，薄酬。(今晚被人嘈了一晚上！)

我看到小情侶點的午餐肉好靚，半肥瘦又有油光...…

老闆娘:「真係日本運過嚟㗎！」

沒有港版的午餐肉那麼鹹，肉味又夠，日本果然連罐頭都出色過人。

阿太問我:「Shake Shake餃子好似幾好玩喎……」，而我又見有香港限定的粟米濃湯味，於是就點了。

($38五隻)

我最初以為粟米濃湯是與豬肉齊齊作餃子餡...…誰知原來是調味粉。

即是M記的Shake Shake薯條...…如果，可以給我自已落味精粉，我只會落少少...…因為今次實在太鹹。

搖勻依然濃味化不開，而且這款餃炸得特別硬， SY:「我唔想食，好難食。」（這絶對是今晚唯一缺憾。）

最後上枱的， 就是專為SY而設的甜品「朱古力餃子配雪糕」($38) 真的一次滿足了他三個願望。

將原粒朱古力，用餃子皮包好，再炸。配上Dreyer's雲尼拿雪糕，SY就在我旁邊，不停食，不停大叫:「好食！好食！」。

其實，味道就是食慣的味道，不過有心思的如此配搭，無得輸。

(有冇諗過試下用餃子皮包雪糕炸一炸...…可能都好得喎)

餃餃　餃子
地址: 灣仔廈門街31號地下

大仁生活