嚟到全日本河豚供應量最大嘅城市—大阪,當然要一試呢度嘅河豚料理。以前河豚係日本嘅高級食材,自從被大量養殖後,河豚已經變得親民。鍾意食日本料理,鍾意食海鮮嘅朋友,嚟到大阪黑門市場一定要試。

第一道上嘅菜係涼拌河豚皮,只係皮已經好有嚼口,仲有豐富骨膠原。記得要先撈一撈,將醬油包住整啖河豚皮,爽脆、咸香,充滿整個口腔。

DSC00617

日本擅於製作河豚刺身同埋河豚火鍋,生魚片分為薄切同厚切,同樣口感爽脆,帶有甜甜鮮魚味,滴幾滴檸檬汁,味道甘香。

DSC00619

食完生魚片,店員隨即推出小火鍋,將河豚肉同配料慢慢逐一放進鍋裡,涮食河豚,入口嘅又係另一種截然不同嘅味道。河豚煮5-8分鐘就熟,一咬鮮甜彈牙,口感有少少似田雞肉。另外附上河豚皮,放入鍋裡面浸十秒就食得,兩個字,爽口。

DSC00623

DSC00625

食到好飽,呢個時候鍋上只剩底清甜嘅河豚湯底,以為咁樣就「收爐」啦,原來店員會將湯底重身煮滾,再放入米飯,加入蛋汁撈勻,就煮成一道高級雜炊,米飯吸收左河豚湯嘅精華,甘香味美。

DSC00628

最後上埋個甜品,花生核桃雪糕好香滑。

DSC00631

初嘗日本河豚,從食嘅過程就可以見到,日本人對制作料理嘅心思,執著,拿捏不同煮法,令高級食材可以更上一層樓。

圖文: Jen@人人去旅行


 大滿足!好飽的大阪河豚宴

 https://www.facebook.com/RunRunGoTravel