筆者很愛食泰菜, 慶幸家傭來自泰北, 經常享用到較正宗的肉碎生菜包、青咖喱燒鴨、紅咖喱南瓜煮豬頸肉、白灼蝦醮泰式生蝦酸辣汁…

早陣子被邀到荃新天地《泰巷 Grand Avenue》試菜, 早知他們有料到, 因為老闆專誠邀得靚女泰菜導師 Koy (Sompong Thai Cooking School) 長期於泰國主理所有調味醬汁、咖喱, 然後每天空運抵港。

一坐底, 整杯啤酒沙冰爽下先, 啤酒有嘉士伯或1664 Blanc兩款, 我選了花香味超重的1664 Blanc。初初以為沙冰會溝淡了啤酒, 但原來所有沙冰都是用啤酒製成的, 夠誠意!!!

一來就是“鮮三文魚伴青檸辣椒泰蒜汁”。這個汁近似食生蝦醮的酸辣汁, 用來配油份重的三文魚刺身亦不俗。不過, 鋪在三文魚上的沙律菜有點畫龍點睛, 不如索性像生蝦咁放塊生蒜片會更好。

菜上得很快, 泰式拼盤接著來。老實說, 這道菜吃到悶, 串燒雞、燒扎肉合格的。炒肉碎幾接近泰北口味, 建議可加多些磨碎了的炒糯米、香葉、辣椒和青檸汁會更酸辣更香。特別要讚那幾塊羅馬生菜, 剩食㗳得出有青葡萄的香味。炸魚餅味道非常好, 可惜我吃時已凍了。

為迎合香港人口味, 本地大部份泰菜的青咖喱都是甜而不辣, 沒辣的咖喱根本就不香。這裡的青咖喱雞, 第一要讚係辣得合理, 第二要讚是泰式茄子夠鮮甜, 建議加多些九層塔會更完美!

泰式香葉燒烏頭, 雖然size細, 但表面燒得夠乾身及焦香, 而內裡魚肉夠juicy 及鮮甜, 更滲有少少黃油, 真的不俗, 筆者建議不用醮任何醬汁去破壞這魚鮮甜味。

筆者食過坊間很多雞煲, 大多數加了味精, 又或是味道調得太鹹, 鹹到苦。今次的麻辣胡椒雞煲 (請注意這個不是泰菜), 味道調得恰到好處, 又不會太辣, $98的雞煲有半隻雞, 食完不會口渴, very good!

泰棒鮮蟹肉炸球伴吉仔醬, 用腐皮包住炸, 可惜內外都炸得太乾, 失去了蟹肉應有的 juicy 優點, 需改善。

筆者不好甜品, 但喜歡飲椰青。孖兄弟椰皇沙冰優點是原汁原味, 不會太甜, 椰皇內的果凍就是用椰皇本身的水來製成, 夠清香。

港式奶茶實屬香港文化的一部份, 筆者通常熱飲, 因為凍飲有冰會愈飲愈淡, 啜到最底其實係啜緊奶水, 有點噁心。現今普遍港式奶茶會奶味過重, 茶香欠奉。今次餐後最 like就係這杯泰式凍奶茶, 顏色偏紅, 茶味夠濃夠甘夠持久, 沒有給花奶味蓋過, 又不會太甜。這會是我想再來《泰巷》的最大引力。