我地公司員工都有個共同目標 – 想唔撈

POT.HK：想多麼簡單，實行才是最困難的部份。如果對現時的工作不滿意，也就在自已仍有本錢的時候離開吧！

作者：廣告界袋底泥

又有同事離職。

有新人黎有舊人走本來就係正常現象，我地公司一眾員工我唸比起其他公司更加團結，都有個共同目標 – 想唔撈。 今日其中一個同事last day，一朝早返到黎昂然闊步咁行入公司，以輕蔑嘅眼神橫掃成個office，擺出一個勝利者嘅驕傲笑容同我打招呼，而我只可以次人一等地，以人生輸家嘅身份同佢俯首稱臣。

派完餅，一個華麗轉身推開門，同我地講，「你地慢慢捱啦」

感覺就好似坐住鐵達尼號，睇住人地趕得切坐上救生船上面最後一個位，點解唔帶埋我走呀！