今日裝修佬同大家探討一個比較可怕嘅問題,就係陰氣啦!究竟點樣嘅家居環境叫做陰氣重呢?

風水乃中國傳統道教文化,博大精深,雖然都係好縹緲嘅講法,但俗語有話寧可信其有不可信其無,今日等裝修佬教大家點樣睇家宅陰氣重,一齊去文!


犯孤陰煞 

所謂孤陰煞,係指住宅周邊煞氣、陰氣,一般呢種住宅周邊可望到醫院、墳場、殯儀館、公廁、垃圾場、屠宰場等陰煞之氣較重嘅場所。呢啲場所嘅存在加重咗住宅周邊環境嘅陰氣,會導致居住係附近嘅人破財敗運,霉運纏身。其嚴重性與距離及風向有好大關係,住宅離呢啲地方越近,受孤陰煞嘅影響就越嚴重,若住宅門窗正對呢啲地方且係下風區則最為不利。 

 

綠色植物過多 

室內種植盆栽花草係一件非常怡情養性嘅事,適當嘅綠植能夠為室內帶來生機催運化煞,然而,如果植物太多,就唔係好事了。過多嘅植物會導致室內陰氣濕氣較重,消耗宅內陽氣,尤其係藤蔓類植物。呢類植物長大後遮擋陽光,無形中加重家中陰氣。綠色植物過多唔單止會導致破財漏財,亦不利於居住者運勢,會令居住者健康受損,運氣差。若睡房內綠色植物過多,夜晚瞓覺時容易出現失眠多夢、恐懼不安等症狀。適當減少綠色植物數量,以不妨礙室內採光為宜。 

 

屋大人少 

評判一間屋嘅風水,房屋中嘅生氣係一個重要標準。如果房間內生氣少,意味著陽氣弱。而房屋嘅生氣係由人滋養出來,所以,買樓以夠住便可。因為若居住人少,就會出現以人之生氣補房之所缺,人體陽氣被房屋耗泄,長期處於呢種狀態下居住者身上嘅生氣就會不停外散,久而久之,身體方面會出現各種問題,會導致錢財流失嚴重,霉運不斷,家道衰落。所以屋唔係越大越好。

 

陰暗背陽 

買樓嘅時候,都會考慮向陽呢個因素,陽光曬入室內,能夠帶來生機。如果房屋背陽,唔能夠蓄積足夠陽氣供應俾居住者,反而可能會泄走居住者陽氣,長期居住係無陽光嘅環境會令負能量增長,財運下降,做事不順,無貴人扶持。如果條件唔允許可在屋裡增加照明,來控制陰氣過盛問題。 

 

戶型窄長 

長寬比例明顯失調嘅房屋會造成居室陰陽失衡,令居住者事業不順,前途堪憂,收入屋穩定,難以聚財。最好避免入住呢種戶型嘅房屋,建議選擇四正單位。若無法避免最好係裝修時用傢俱把室內分成兩個方正區域,咁樣空間會更合理。 

 

(文:巨龍)

(以上圖片均來自網路,如有任何版權問題,請與本站聯絡)


 【裝修風水學】點樣睇家宅陰氣重?

 https://www.facebook.com/hkdecoman