(文:巨龍)

睡房係我地每日休息放鬆身心嘅地方,亦係停留時間最長嘅地方,所以睡房風水尤為重要。以下裝修佬同大家分享錯誤睡房風水相關知識,一齊去文!

 

1床位上方有冷氣或吊扇 

床位安置係冷氣下方,寒氣不斷吹向頭、肩、頸,加上人係睡眠狀態,毛孔會略微放開,輕者會經常感冒,重者會造成頭、肩、頸神經緊張、肌肉僵化,日子耐咗會令年輕人士腦部供血不足,記憶衰退、反應變慢、學習能力變差等,長者會因腦部供血不足而癱瘓。 同樣道理,夏天風扇千祈唔可以對著身體吹,最好係放係牆中間,向著牆面轉角位吹,咁樣可以產生室內空氣流動,令室內溫度平均,身體唔會覺得悶熱。 

 

2梳妝台擺放在床頭 

梳妝台係床以外睡房度最常見嘅第二種傢俱。梳妝台唔可以擺係床頭隔離,否則會擾亂房裡嘅氣,影響床上休息嘅人。另外,梳妝台嘅尖角唔應該直接指向床鋪,否則尖角形成煞而增加負能量,對床上人不利。 

 

3擺放時鐘同電器 

風水學認為,最好避免將電腦、時鐘、收音機、喇叭等電器擺放係睡房,如果一定要放係睡房,唔好離床太近,因為電器用品會產生電磁波,電磁波會導致人產生頭痛、心律不正及呼吸淺快等症狀,且電磁場影響睡眠品質,導致失眠。 

 

4擺放過多鏡 

鏡係睡房相當常見,大部分梳妝台亦配有鏡,此外,有啲房仲有門後或其他地方裝咗全身鏡,以便出門前檢査儀容。就風水而言,鏡會將具有侵略性嘅能量反射到睡房,令瞓係房度嘅夫婦關係緊張,對單身者則會導致人際關係變差,鏡直接對著床尤其令人不安。原則上,瞓係床上時不應該從鏡中看到自己,因此,睡房除咗床頭同一平面兩邊可放鏡,其他位置都唔可以放鏡。 

 

5床褥置於地板上 

床鋪最好有床腳支柱,高出地面,床底要有空氣流動,不宜將床褥置於地板上。對於小朋友房間來講,呢點需要特別注意,因為長期將床褥置於地板上,會形成過於固執嘅個性,影響身心發展。

 

(以上圖片均來自網路,如有任何版權問題,請與本站聯絡)


 【裝修風水學】擺錯嘢令你無覺好瞓!睡房的5大錯誤風水

 https://www.facebook.com/hkdecoman