裝修風水學:教你睇樓盤風水

香港地寸金尺土,地少人多,上車買樓已經係難事,如果不幸買到壞風水樓盤,唔單止損失金錢,仲會影響財運、身體健康。當然,以上問題都可以避免,只要重視風水,盡可能避免觸犯風水禁忌,就可以確保唔出問題。睇樓除咗要睇實用間隔之外仲要留意戶型佈局,究竟有D咩需要注意呢?裝修佬話你知。


大細要適中 

買樓並無係越大越好,要根據居住人口多少而決定大細,太大或太細都唔好。屋大人少,陰多陽少,暗病糾纏,陰靈寄居,屋細人多,陽多陰少,脾氣暴躁,官災是非多。 

 

房屋要方正 

屋相如人相,,一定要方正,大忌三尖八角,人同屋係會有感應。如果你住嘅房屋係方正嘅,久而久之為人處事都會公正,而長相亦會有變化,隨時間嘅增長,男士會變得正正,女士會變得端莊大方。反之,如果你居住嘅房屋唔係方正,時間一長,人嘅心會變得歪斜,而長相上鼻同腰骨都會變彎曲。同時,方正嘅房屋俾人一種穩定安全感覺。 

 

唔好揀最低或最高 

樓盤應該選擇整齊劃一,高矮相當嘅環境,忌諱規劃錯亂,高低懸殊,唔好選樓盤中最低或最高嘅樓宇。 

 

房屋建築唔合理要避忌 

兩幢高層建築如果緊緊並立,外部氣場從中間直沖而過,就會形成風水上嘅天斬煞,造成煞氣直沖,不利居住。如果一幢建築嘅佈置、方向不當,同其他建築物嘅距離、相對位置佈局唔合理,相鄰建築物之間就會相互影響,造成十分不利嘅後果。 

 

留意戶型 

U字樓唔適合住人,因為U字樓睇起身似亡字,常出人命事件。口字形樓唔好買,因為人係井中,唔能夠發福發貴。T字型樓唔可以藏風聚氣,會導致貧寒。工字形樓難出富貴。  

 

留意附近建築 

臨近廟宇、骨灰堂、墳場、寺院唔好買,因為陰氣太旺盛。

 

陽氣要足夠

人要陰陽平衡,房屋要陰陽平衡,房屋光線亦要陰陽平衡。房屋嘅窗太多,陽氣過盛,財亦難聚,窗少,終日唔見陽光,太暗,陰氣重,容易招陰靈作怪,病痛多。所以房屋嘅光線要適中,陰陽平衡,財運、身體自然好。

 

水火忌十字

水指廁所,火指廚房。水火忌十字線意思係房屋嘅正前、正後、正左、正右位置同房屋中心點不宜有廚房同廁所。廁所係污穢、陰寒之地,要居不利方,而廚房係煮食地方,要居有利之方。而現時房屋建築中,廚房、廁所都係固定,所以買樓時一定要留意,不要係十字線上。水火相犯,易生不如意事,財運反復,疾病橫生,桃花是非多。廁所係房屋中間嘅話,為水浸心,易得心、胃、肝、肺、小腸諸疾。房屋十字,為陰陽不調,易患排泄、頭、眼、口、手腳之疾。 

 

房忌直沖 

大門直沖露台、窗,前後門相對沖,前後窗相對,露台同窗對沖,呢啲都係風水大忌,會引至財運不吉,易破財,易招盜竊,身體狀況差,易生急病,家庭不睦,夫妻易生磨擦。

 

(以上圖片均來自網路,如有任何版權問題,請與本站聯絡)


 【裝修風水學】如何看樓盤風水? (巨龍)

 https://www.facebook.com/hkdecoman