(文: 巨龍)

睡房係我地補充睡眠嘅地方,亦係每日停留時間最長嘅地方,睡房除咗好嘅裝修設計外,風水亦至關重要,因為會直接影響住人嘅身心健康同運勢,咁究竟咩類型嘅風水好呢?又有啲咩需要注意呢?裝修佬話你知。

 

咩類型嘅睡房風水好 

光線應明亮,一來可以足夠嘅光線,同時又可以保證睡房空氣流通,令居住者心情愉悅,精神暢快。 

格局要方正,儘量避免有尖角或者斜邊形狀物品,異形睡房容易帶來不安感,造成精神壓抑,從而增加人嘅精神負擔,導致身體不適。 

床係睡房中最主要嘅傢俱,所以床嘅擺放尤為講究,床頭嘅設計最好要靠牆面,避免鏤空,表示有靠山嘅意思,可以帶來安全感。床位不應靠係廁所牆,避免穢氣,亦不宜放係橫樑下,即為壓梁說法。床面距離地面嘅最佳尺寸係50mm左右,保持床底空氣流通,減少地面濕氣,係健康方面嘅重要因素。 

睡房裝飾品避免擺放尖銳嘅利器,同時花草植物亦唔可以過多,過多嘅植物容易聚留陰氣,而且有D植物係夜間會吸收氧氣,釋放二氧化碳,容易影響人體健康。 

睡房不應係廚房隔離,油煙較重、聲音較大容易影響生活氣息,令人帶來浮躁、唔穩定嘅情緒,從而影響睡眠素質。

睡房門唔可以對正廁所,如果係房屋結構問題無法避免,咁廁所門或房門其中一扇門要保持關閉,避免廁所穢氣同濕氣聚集影響人體健康。同時房門唔可以對住塊鏡,鏡嘅反光會將凶煞照入睡房,從而影響個人事業甚至夫妻間嘅感情。 

 

睡房風水注意事項 

睡房窗係右邊、主燈亦係右邊,從人事角度上講,主女性開放、自信、活躍等,而男性猥瑣、心虛、鬱悶等。 

床位右邊動態之物太多,比如圓形燈具、由曲線同圓柱形為主線構成嘅櫈等,呈虎動龍靜之象。此象從人事角度上講,係女欺男、女克夫之象,當然,亦主女性係事業上積極進取、努力拼搏之象。 

床位右邊寬敞,而左邊狹窄,呈虎強龍弱之象。此象從人事角度上講,係利女不利男,女強男弱之象,包括女人個性強勢、能力上強勢等。 

床頭背景牆存在兩個方面嘅風水問題,其一係新設計構建嘅背景牆看似可作床頭靠山,但由於其與實牆明顯有一段空隙,尤其係背景作靠山明顯有D單薄,此為靠山不實、靠山不得力之象。其二係背景牆上嘅圖案俾人直覺係破碎、雜亂之感,主事務繁雜、心情煩躁、事難圓滿之象。 

以色彩而論,睡房主色調色系為黃色同紅色,從其色彩深沉、凝重度來睇,適宜中年人居住。從顏色五行角度來講,適宜命喜土火之人居住,因黃色為土、紅色為火也。

 

(以上圖片均來自網路,如有任何版權問題,請與本站聯絡)


 【裝修風水學】睡房風水知多少

 https://www.facebook.com/hkdecoman