因為「屯門搵食地圖」個多月前轉載了屯門一間新餐廳,爆Like過千,「屯門少有美式餐廳,啲嘢唔貴」, 所以亦走入屯門覓食。

多得魚子媽教路, 因為旺角人那裡是置樂, 那裡是龍成花園, 單單靠Google可能也死得!

一走入餐廳,SY即被大大張桌球枱吸引過去,他竟然主動問店員:「姐姐! 點解無棍嘅?」,女店員答:「我哋9點後先有Q棍供應」

小朋友們又怎會就此罷休呢? 每日也簡單直接用手推撞球,個個也玩得不知多投入。

(無Q棍係因為前排有細路, 一支棍篤爆咗天花玻璃, 新舖一開就要用幾千錢維修...…慘慘)

餐廳環境超闊落, 一家三口霸了一張U形皮梳化, 其實頗似當年的Hard Rock酒吧。

US手打漢堡 $68,其實以屯門區來說,不算便宜。

不過,我怕不夠吃,所以點了雙層手打漢堡 $108 (SY指定要再另加$20, 要薯條及特飲)

芝士變車打,多了一隻蛋,麵包有烘過又塗上少少牛油;手打肉來說有咬口、有肉汁,算有誠意,不過少了一份「嘩!」的驚喜。

我跟半個屯門友同事Max傾開:「屯門食個漢堡包都要過百,幾貴喎」。

MAX回:「人哋有$68你唔叫,要叫個雙層牛肉,梗係貴啦」(咁...…都係嘅)

這裡的薄餅, 只有我不太愛的薄批選擇,想食也唯有就範。

菠蘿怪的家庭當然點夏威夷人薄餅 $118。

其實, 薄批來說算多配料,有厚火腿,又有肉碎,茄汁又不會太酸,又不會有油溢味,有肉有菠蘿,只是Size細了一點點...…不過幾好食。

如果我家住屯門,不用出市區就可以享受到美式餐廳質素的食物,應該算超方便,又算新鮮吧!!

(所以我估就係依個原因爆Like掛)

SY愛「推波」至不想離去,而我覺得順路經過,走入去感受一下他們的誠意,非常好!!

不過,再山長水遠由旺角入來試的機會,應該不再有了。不好意思!!

Mega-1
地址:屯門青山公路345號龍成花園地下B舖

大仁生活


 【屯門爆Like西餐吧】篤住波.食手打漢堡

 https://www.facebook.com/hayakutang