今年聖誕一切從簡。其實成個2020年,我嘅生活都變得好簡約:試少咗好多護膚品,集中用自己喜歡嘅產品。可以spend多啲時間專心啲用一樣嘢,對產品嘅了解深咗,唔會一味share新聞稿(哈哈你懂的)來自日本北海道 HABA無添加主義,一直高質、自然、無添加(冇parabens 防腐劑、石化界面活性劑、合成香料、礦物油、焦油系色素等)而佢哋嘅皇牌產品【鯊烯美肌清油】我已經用清3.5枝喇!每年都keep住用佢,因為真係好啱自己嘅皮膚!尤其是踏入秋冬呢啲北風凜冽嘅日子,想皮膚keep住年輕飽滿,補濕不可忘記補油份!

HABA 鯊烯美肌清油共有4款,分別係basic嘅 I & II,藥用美白(橙色)同埋 Q10(粉紅色)我就一直用開II號仔。好多謝HABA今次送咗呢三款俾我,我都想借呢個機會介紹吓比大家知佢哋有咩分別,同埋要點樣簡。

1號係最basic嘅鯊烯美肌清油 SQUALANE,任何肌膚性質都啱用。鯊烯對皮膚嘅好處:保濕、注氧、營養導入、增強皮膚抵禦力、修復受損皮膚細胞、使皮膚變柔軟。鯊烯油係HABA嘅皇牌產品,我都係因為呢支油開始入坑。每次只需要用一滴,喺掌心加熱按壓面部,頸部,或者其他皮膚乾燥位置。我嘅用法係加一滴入我用開嘅面霜、BB cream,會令到cream狀嘅嘢更加易推開。唔係咩油都可以咁做㗎,有啲係會唔兼容,起擦膠碎㗎,而so far HABA嘅鯊烯油都唔錯!

2號同1號所有嘢都一樣,不過就係由植物中提煉。HABA明白大家對保育嘅意識越來越重視,所以就研究出有植物中提煉出高濃度嘅鯊烯油喇。老實講,用係嚟同1號我覺得分別係唔大嘅,既然可以做到差唔多效果,咁可以嘅話當然係用2號仔啦。

橙色樽仔係鯊烯透白美肌清油(Whitening Squalane)呢一款我都系第一次用咋~所以我自己都好期待呀~喺日本,產品拎到「藥用」呢兩個字係要經過認證先可以印喺產品上面,可以講得上係有一定有效嘅保證。產品以突破科技將滲透性維他命C誘導體注入鯊烯美肌清油,功效比basic鯊烯多咗美白祛斑嘅功效!正呀!!我相信冇女仔唔想自己嘅皮膚白白淨,而白淨嘅意思唔係膚色,係講緊有冇瑕疵,好似暗瘡印、雀斑呢啲沉澱色素。你望下BB仔啲皮膚,再望下自己,你就明白,呢啲暗啞&色斑係歲月嘅證明。每有一粒斑、你嘅目測年齡就起碼都一歲(崩潰!)所以我覺得30up嘅中女,真心要開始轉用呢隻鯊烯透白美肌清油!今年就用呢支,睇吓有幾正先!

 

 

HABA無添加主義
http://www.haba.com.hk/
https://www.facebook.com/haba.hk

 

 

**產品/產品資料由品牌提供,真心分享,歡迎電郵查詢。

 

ngayiellie@gmail.com
http://www.facebook.com/popcornellie
http://instagram.com/popcornellie
http://popcorn-express.tumblr.com



 https://www.facebook.com/popcornellie