觀後感:

榮獲日本電影學院獎最佳動畫,此動畫改編自森見登美彥小說作品,由湯淺政明執導,畫風線條鮮明,雖非美不勝收的細膩柔和影像,但就好有個人風格,一看難忘。

畫風我欣賞,但就可能其畫風令故事的騎呢荒誕感更甚,所以看時我係感到男主角那份暗戀黑髮少女的情懷(如為女尋書確是幾浪漫的一件事)。但就因情節令我感覺又上又落,明明好浪漫,但場面太突兀,就如飲酒般有醉意係幾令人舒服,但當醉到嘔就會變成兩回事。所以我估小說應會比動畫看得投入,起碼小說我可以自己來自創畫面,但動畫就除非配合到你杯茶,如非就可能因畫面而令你看到反白眼,什麼詭辯舞,太肉酸啦!

今次係幾難俾分,畫風及故事其實分開來看係各有特色,但當二合為一就真要看你能否與它產生化學作用,確要給我多一點時間來消化一下。因為到我看完動畫到今日相隔了十幾日,其感覺仍然又上又落。或者,係時候我要重溫多一次了……


 【影評】請給我多一點時間《夜短夢長,少女前進吧!》