(文: 巨龍)

客廳係一家人娛樂活動、招呼朋友嘅地方,亦係影響風水最重要嘅地方。其實可能有好多朋友都未必太清楚客廳風水禁忌,影響運勢,以下裝修佬同大家分享客廳嘅招財風水,一齊去文。


1招財擺件 

好多朋友為咗能夠招納財氣,鐘意係屋企客廳財位擺放招財物品。招財物品需要慎重選擇,同時擺放招財物品不宜,否則影響正常生活。 

 

2地板宜堅固 

客廳地板以堅固為宜,因為地板象徵地基,所以一旦發現有破損就應立即補換更新,另外感覺寒冷嘅地板如大理石,可鋪地氈來化解。 

 

3天花板顏色宜淺 

對於住宅來講,風水學上認為客廳天花板,高高在上,係天嘅象徵,所以天花板顏色宜淺淡為主,對應地板顏色宜深,以符合天清地重之意。 

 

4傢俱擺放 

客廳儲物櫃務必緊貼牆面,另外沙發須面對大門或電視,不可背門,因為沙發背門會令人際關係唔融洽,易犯小人或與他人生口舌是非。 

 

5客廳忌擺放鏡 

鏡係用來阻擋煞氣,作用係將直沖來嘅煞氣反射返去,如果擺放鏡,會使財運受損。 

 

6燈具擺放 

客廳採光一定要充足,空氣要流通。客廳充滿陽光正能量,好運自然就會提升。相反客廳採光不足,日夜昏暗不明,久住於此,會使人心煩意亂。而燈泡或日光燈一旦壞咗,要盡快維修,否則會令財運受損,屋企人會唔團結。 

 

7綠色植物擺放 

客廳擺放綠色植物,避免將雜亂綠色植物或普通觀賞花卉零散擺設係客廳窗台及電視機上等,盆栽係風水上有開運功效,但不宜太多,否則太過雜亂反而造成反效果。 

 

8鞋櫃擺放 

鞋櫃只適宜擺放屋企大門隔離,不適合放係屋企其他地方。因為每日著嘅鞋多少會沾上塵土,代表穢氣,如果將鞋四圍擺放,外面嘅穢氣就會進入屋企,影響運氣。 

 

9雜物擺放 

客廳係屋企人活動娛樂嘅地方,所以要隨時保持乾淨整齊,避免堆放垃圾雜物,雜物可以擺放到專門嘅櫃或者櫃桶,雜亂無章會影響居住者心情,影響氣流運通。 

 

10客廳喜迴旋,忌直沖 

以客廳同宅門嘅關係來講,古代嘅理氣派風水最講究氣場回蕩、曲折,環抱有情,認為咁樣嘅氣場對人有滋養同蔭庇作用,如果從宅門到客廳,中間有緩衝帶或通道就正好滿足呢個要求。如果宅門直對客廳,係門同客廳之間設置屏風,矮櫃之類遮擋下,就可以將呢個沖化解咗。 

 

11客廳不宜有樑橫跨 

自古以來,客廳上方若有橫樑屬不吉利,因為橫樑對下面嘅人具有壓抑特性嘅能量輻射,令人精神緊張,運氣不振。呢個情況唔難處理,只要用天花板或裝飾物將橫樑遮掩覆蓋便可。

 

(以上圖片均來自網路,如有任何版權問題,請與本站聯絡)


 【裝修風水學】客廳11大招財風水話你知!

 https://www.facebook.com/hkdecoman