公關的圖片搜尋結果

(網上圖片)

「廣告」有甚麼用?很多人都問,老闆會問,花錢後,會帶來甚麼得益、效果?要計KPI,有指標呀!比左錢,收唔返,咪大獲?

其實,比左錢,唔一定有生意返;唔比錢,亦未必一定無生意。但是,做左廣告,有生意返的機率,應該/肯定比無做廣告的高——除非,你用錯方法、落錯渠道,咁無計啦,這是執行上的問題,不是「廣告」本身的問題。

想快?速食速效,要點做?

廣告係西醫,公關似中醫。

一般來講,廣告一出,銷量好大機會會急升。促銷廣告一出,半價、買一送二、thanksgiving week,更加會令銷量狂爆,短時間見效。公關則慢慢來,搞下合辦活動,搞下有soundbite的event,拍下片又播下片,邀請吓各媒體、記者朋友體驗一些服務、活動,主要想塑造一個良好的品牌觀感,良好的氣氛下,各位媒體達人、KOL便會美言多幾句。因為,當品牌觀感建立了之後,效力會持久很多。銷量未必會立即狂升,至少會穩定下來,慢慢去上;而消費者對你的好感與共鳴,亦會是支持你銷量,長遠發展的重要基礎。

之前睇過一則新聞,話1/3中小企都不太願意投放資源做廣告(營銷),而40幾歲以上的企業營運者,不太傾向接受以digital marketing的手法來做推廣,較喜歡用上傳統的模式,如電台、電視、派傳單等來做推廣。

點解呢?其實,Internet出現左、應用左、普及化左都已經超過20幾年,點解仲有人會不信任、不接受甚至排斥運用digital手法,來達到推廣的目的呢?

第一,不懂、亦難懂。幾百個打手在幾廿個平台幾十個社交媒體談論幾萬個條目再用幾萬蚊budget推高你幾十個排名換來幾千個click rate,查實,好多人都唔知你講緊咩?第二,水份太多,作假成份高,成效存疑,令人卻步。第三,老舊思維未改,因為,總是覺得:實物、實體、實際!虛擬(世界),虛構,虛假!

無辦法,忘記了在2008定2009年,我仲用緊Nokia,死都唔用iPhone,你果時同我講Nokia會停產,我會話你都痴痴地。點知,後來,我竟然轉用iPhone,Nokia果品牌真係賣左比人,再由iPhone轉用小米,Nokia竟然決定再出新機……都只是近六、七年之時。

廣告令我買iPhone、買小米,公關令我對Nokia長期保持好感,好想再買來記念那份情懷。

咩係萬能?錢啦緊係!有錢有廣告有公關,有錢有iPhone有小米有Nokia!