世事無奇不有。今天的敵人,明年變戰友。昨日是行家,今天變對家。但身份不同,只要情誼在,關係就在!

以前,合作開的一位媒體朋友,做媒體廣告出身,之後一直為幾家媒體雜誌做開荒牛,每搞起一本書就衝下一個project,一路做一路做,成為一間媒體公司的GM。然後,有一段時間厭戰,離開了媒體工作,去了做地產AA。最後,又回到某媒體搞廣告做管理。我們曾一起合作,一起打拚,一起落難,一起重新;雖然現在各不相干,但將來誰知呢?最新知道他在放暑假陪仔女,然後會搞地產。

而做Sales的朋友,變身的次數,更加不在話下呢。今天是media sales跟我賣媒體廣告,明天賣私人飛機服務。後天已經在商店內sell merchant賣deal比團購公司做推廣,轉個身之後下個星期已經改口叫你在search engine買關鍵字、做SEO、Google AdWords。其實,做Sales是賣關係的堅實度,賣甚麼服務、產品倒是其次。很多朋友在銷售界,左跳右爬,亦幹得不錯呀!又BD、又VP,管他賣咩,總之有客有單又有數,客讚單夠又數爆,客與客之間仲可以cross-over,甚至比客邀請過檔,機遇亦不少呀!

有些朋友,之前做agency公關公司serve開客,之後轉做企業的in-house marketing或企業傳訊部、投資者關係,面對之前工作開的同事與朋友,但身份卻由服侍別人變做比人服侍,感覺又真的幾過癮呀!想到以前一腳踢,現在指揮若定,心感安慰呢!

社會上、工作上踫面的人很多,有時候因角色、職責而出現的對立面,很難避免衝突,如compliance對sales、purchasing對operation、operation對account、管理層對前線同事、股東對營運者……但當你抽身離開、身份變成了對方之後,你又可能會發覺,其實當時對方都唔係咁差呢!因為比著你,當時你可能都會用同一個方法、做同一件事、來達到當時(你認為)最好的效果。

所以話,轉個圈,又見面啦!大家仲要愈轉愈好,見面時愈傾愈深入,話題愈來愈多,可以分享的愈來愈多樣化,互相學習的地方愈來愈多……就這樣,朋友咪咁樣累積囉!